PDR – Pizza Da Roby

Pizza Da Roby
Have you ever had chocolate salami?

You can get chocolate salami, as well as a quality selection of authentic Italian pizza, from PDR – Pizza Da Roby, the newest and possibly the best pizza place in town (further research to be conducted).

Opened only a few days ago with a basic starting menu, word has clearly spread about the genuine Italian taste sensation of Vientiane’s newest pizzeria. Fortunately my pizza eating accomplice and I arrived at midday, just before the restaurant filled with hungry guests. So if you’re planning on checking it out, and you probably will be after this review, try to get there early.

The service was welcoming and efficient, and the décor simple and clean. The use of bright, crisp colours accentuates the warm, vibrant family atmosphere. The most important element, the food,  was unpretentiously superb.

While the soft opening menu currently lacks a bit of variety, it certainly does not lack in flavour.

For mains we enjoyed Luang Prabang sausage and vegetarian pizza slices, Arancini (Sicilian style) and tuna salad.

Pizza – you can expect an above average if not perfectly proportioned crisp crust, excellence in topping distribution and rich flavour depth on a hunger satisfying sized slice (read: good, authentic, handmade pizza). No bottled sauces, blandness or overzealous use of dough at this establishment.

Arancini – overall a great balance of soft and creamy rice filling and crunchy exterior.  The light, respectable cheesy flavour was spot on. The only thing that could have made this dish more enjoyable was more of the slightly sweet tomato based sauce found at the core of this delightful ball of rice.

Salad – A good serving of clean, crisp and crunchy fresh salad was a great complement to the full flavours of the pizza and arancini.

Dessert – If you like rich, velvety, melt-in-your-mouth dark chocolate then you should definitely try the chocolate salami. If you haven’t heard of it before, think a log of salami, but made of chocolate cut into circular medallions. Similarly, the divine sweet creamy coffee and chocolate infusion and light fluffiness of the tiramisu cannot be overlooked. A warning to sugar fiends: these desserts will be your new addiction.

In the coming months Pizza Da Roby will be adding new items to the menu such as spaghetti and are also looking at hosting aperitif nights. There is also good news for those with gluten intolerance – Roby is going to look into gluten free flour alternatives so his pizza can be enjoyed by all – Bellissimo!

You can find Pizza Da Roby’s Facebook page here – https://www.facebook.com/pdr.pdr.35?fref=ts

Pizza Da Roby is run by head chef Roby, his brother Alessandro and other family members including their dear mamma who provides culinary knowledge to guarantee traditional and delicious home-made flavours.


ຮ້ານ ພີ​ດີ​ອາຣ – ພິຊຊ້າ ດາ ​ໂຣບີ້.

ທ່ານ​ເຄີຍຊີ​ມຊ໋ອກ​ໂກ​ແລັດ ຊາ​ລາ​ມິ ຫຼື ​ໄສ້ກອກ ຊ໋ອກ​ໂກ​ແລັດ ​ແລ້ວຫຼືຍັງ ?

ຮ້ານ ພິຊຊ້າ ດາ ​ໂຣບີ້ ຫຼື ພີ​ດີ​ອາຣ  ​ເປັນ​ຮ້ານ​ອາຫານ​ໃໝ່ ​ແລະ ຄາດ​ວ່າ​ຈະ​ກາຍ​ເປັນ​ຮ້ານ​ທີ່​ມີ​ພິຊຊ້າ​ແຊບ​ທີ່​ສຸດ​ໃນ​ເມືອງ (ຈະ​ມີ​ການສະ​ເໜີຕາມ​ພາຍຫຼັງ) ​ເຊິ່ງມີ​ອາຫານຫຼາກຫຼາຍປະ​ເພດ​ໃຫ້​ທ່ານ​ເລືອກ​ຊີມ ​ເລີ່​ມຈາກ ຊ໋ອກ​ໂກ​ແລັດ ຊາ​ລາ​ມິ ​ໄປ​ຈົນ​ເຖິງ ພິຊຊ້າ ທີ່​ຄັດ​ສັນ​ຄຸນ​ນະພາ​ບຂອງ​ແທ້​ຕົ້ນ​ສະບັບ​ຈາກ​ປະ​ເທດອີ​ຕາ​ລີ.

ທາງ​ຮ້ານ​ໄດ້​ເລີ່​ມ​ເປີດ​ໃຫ້​ບໍລິການໂດຍ​ເລີ່​ມຈາກ​ລາຍການ​ອາຫານ​ຈານຫຼັກ ພຽງ​ແຕ່ສອງ-ສາມ​ມື້​ເທົ່າ​ນັ້ນ, ກໍ​ໄດ້​ຮັບ​ການ​ຍອມຮັບ​ວ່າ​ເປັນ​ຮ້ານ​ພິຊຊ້າ​ໃໝ່​ໃນ​ວຽງຈັນ​ທີ່​ມີຣົດຊາດ​ອີ​ຕາ​ລີ​ແທ້. ​ໂຊກ​ດີ​ທີ່​ຂ້ອຍ​ໄປ​ຮອດ​ຮ້ານ​ຕອນ​ສວາຍ ​ແລະ ກໍ​ໄດ້​ລອງ​ຊີມ​ພິຊຊ້າ​ທີ່​ແຊບ ກ່ອນ​ທີ່​ຈະ​ມີ​ລູກ​ຄ້າ​ລຽນຄິວ​ເຕັມ​ຮ້ານ. ຫຼັງຈາກ​ອ່ານ​ຂໍ້ຄວາມ​ຄິດ​ເຫັນ​ແລ້ວ, ຖ້າ​ທ່ານ​ຢາກ​ຈະ​ໄປ​ລອງ​ຊີມ​ອາຫານ​ຢູ່​ຮ້ານ​ນີ້ ກໍ​ຂໍ​ແນະນຳວ່າ​ໃຫ້​ໄປ​ໄວໆຈະ​ເປັນ​ການ​ດີ.

ການ​ບໍລິການ​ຂອງ​ເຂົາ​ເຈົ້າ​ແມ່ນ​ມີ​ການ​ຕ້ອນຮັບ​ລູກ​ຄ້າ​ເປັນ​ຢ່າງ​ດີ ພ້ອມ​ທັງ​ເປັນ​ມິດ ​ແລະ ​ມີໃບໜ້າຍີ້ມ​ແຍ້ມ​ແຈ່ມ​ໃສ. ​ການ​ຕົກ​ແຕ່ງ​ຮ້ານ​ກໍ​ອອກ​ເປັນ​ແນວ​ສະບາຍໆ ​ແລະ ຍັງ​ສະອາດ​ອີກ​ດ້ວຍ. ສີສັນ​ທີ່​ນຳ​ມາ​ໃຊ້​ຕົກ​ແຕ່ງ​ຮ້ານນີ້​ແມ່ນ​ໃຊ້​ສີ​ທີ່​ແຈ້ງ​ສະຫວ່າງ, ​ເຊິ່ງ​ເຮັດ​ໃຫ້ມີ​ຄວາມ​ສົດ​ຊື່ນ ​ແລະ ​ເນັ້ນ​ຄວາມ​ອົບ​ອຸ່ນ​ໃນ​ເວລາ​ດຽວກັນ. ນອກ​ຈາກ​ນີ້, ບັນຍາກາດຂອງ​ຮ້ານ​​ແມ່ນ​ມີ​ຄວາມ​ເໝາະສົມ​ສຳລັບ​ຄອບຄົວ​ເປັນ​ທີ່​ສຸດ. ​ແຕ່​ສິ່ງ​ສຳຄັນ​ທີ່​ເຮັດ​ໃຫ້​ລູກ​ຄ້າ​ປະ​ທັບ​ໃຈ​ກໍ​ແມ່ນ​ເລື່ອງ​ຂອງ​ອາຫານ​ທີ່​ມີຣົດຊາດ​ແຊບ ​ແລະ ​​ເປັນ​ເອກະລັກ​ຂອງ​ຮ້ານ.

ເຖິງ​ແມ່ນ​ວ່າ, ​ອາຫານ​ຫວ່າງ​ຈະ​ບໍ່​ມີ​ຄວາມຫຼາກຫຼາຍພໍ​ປານ​ໃດກໍ​ຕາມ, ​ແຕ່​ວ່າຣົດຊາດ​ນັ້ນ​ຈະ​ບໍ່​ເຮັດ​ໃຫ້​ທ່ານ​ຜິດ​ຫວັງ​ຢ່າງ​ແນ່ນອນ.

ສຳລັບ​ອາຫານ​ຈານຫຼັກ, ພວກ​ເຮົາ​ມັກ​ໄສ້​ອົ່ວຫຼວງພະ​ບາງ ​ແລະ ພິຊຊ້າ​ຜັກ ​ເປັນ​ພິ​ເສດ. ນອກ​ນີ້​ກໍ​ຍັງ​ມີ ອາຣານຊີ​ນີ່ ​ແບບ​ຊີ​ສິລຽນ (​ເຂົ້າ​ທອດ​ຍັດ​ໄສ້) ​ແລະ ສະຫຼັດທູ​ນ້າ​ອີກ​ດ້ວຍ.

ພິຊຊ້າ: ຮັບຮອງ​ໄດ້​ເລີຍ​ວ່າ​ທ່ານ​ຈະ​ໄດ້​ກິນ​ພິຊຊ້າ​ທີ່​ມີຣົດຊາດ​ແຊບ​ເກີນ​ຄວາມ​ຄາດໝາຍ ​ເຊິ່ງ​ແປ້ງ​ກໍ​ຈະ​ກອບ​ນອກ​ນຸ້ມ​ໃນ, ໜ້າຂອງ​ພິຊຊ້າ​ເຕັມ​ໄປ​ດ້ວຍ​​ເຄື່ອງປຸງ​ທີ່​ຫອມ​ຫວນ​ຊວນ​ໃຫ້​ລູກ​ຄ້າ​ມີ​ຄວາມ​ຫິວ​ໂຫຍ​ຂຶ້ນ​ຕື່ມ ​ແລະ ຂະໜາດຂອງ​ປ່ຽງພິຊຊ້າ​ກໍ​ໃຫຍ່​ພໍ​ທີ່​ຈະ​ເຮັດ​ໃຫ້​ລູກ​ຄ້າ​ມີ​ຄວາມ​ພໍ​ໃຈ​ນຳ​ອີກ. (​ເວົ້າ​ລວມ: ​ເປັນ​ພິຊຊ້າ​ທີ່​ມີ​ຄຸນ​ນະພາ​ບດີ, ຕົ້ນ​ຕຳ​ລັບ​ຂອງ​ແທ້ ​ແລະ ​ເຮັດ​ເຮັດ​ເອງ​ທຸກ​ມື້). ​ເຊິ່ງ​ເຂົາ​ເຈົ້າ​ຈະ​ບໍ່​ໃຊ້ຊ໋ອສຈາກ​ກະປ໋ອງ ​ແລະ ບໍ່​ໃຊ້​ແປ້ງ​ຟູຫຼາຍ ຫຼື ໜ້ອຍ​ເກີນ​ໄປ​ໃນ​ຂັ້ນ​ຕອນ​ການໝັກ​ແປ້ງ.

ອາຣານຊີ​ນີ່: ​ໂດຍ​ລວມ​ແລ້ວ, ​ເຂົ້າກັບຄຼີມຈະ​ມີ​ຄວາມ​ນຸ້ມ​ໃນ​ໂຕ ​ແລະ ດ້ານ​ນອກ​ກໍ​ຈະ​ກອບ​ເປັນ​ພິ​ເສດ ​ເຊິ່ງສອງ​ຢ່າງ​ນີ້​ເຮັດ​ໃຫ້​ມີ​ຣົດຊາດ​ລົງ​ຕົວ​ທີ່​ສຸດ. ນອກນີ້, ກໍ​ຍັງ​ມີ​ກິ່ນ​ຫອມ​ຂອງ​ຊີ​ສ ທີ່​ເຮັດ​ໃຫ້​ເພີ່ມ​ຄວາມ​ແຊບ​ຂຶ້ນ​ຕື່ມ. ​ແຕ່​ສິ່ງ​ສຳຄັນ​ທີ່​ເຮັດ​ໃຫ້​ອາຫານ​ຈານ​ນີ້​ມີ​ຄວາມໜ້າດຶງ​ດູດ​ກໍ​ແມ່ນ​ຊ໋ອສໝາກ​ເລັ່ນທີ່​ມີ​ຄວາມ​ຫວານ​ອ່ອນໆຢູ່​ໃຈກາງ​ຂອງ​ກ້ອນ​ເຂົ້າ​ທອດ​ທີ່​ແຊບ​ນີ້​ເອງ.

ສະຫຼັດ: ​ເຂົາ​ເຈົ້າ​ຈະ​ເສີ​ບສະຫຼັດທີ່​ສົດ, ສະອາດ ​ແລະ ມີ​ຄວາມ​ກອບ​ທີ່​ສຸດ, ​ເຊິ່ງ​ເປັນ​ສ່ວນ​ປະກອບ​ສຳຄັນ​ທີ່​ເຮັດ​ໃຫ້ການ​ກິນ​ພິຊຊ້າ ​ແລະ ອາຣານຊີ​ນີ່ ​ແຊບ​ຂຶ້ນ​ຕື່ມ.

ເຂົ້າໜົມຫວານ: ຖ້າ​ທ່ານ​ມັກ​ກິນ​ຊ໋ອກ​ໂກ​ແລັດ​ທີ່​ມີຣົດຊາດ​ເຂັ້ມ​ຂຸ້ນ, ນຸ້ມ ​ແລະ ລະລາຍ​ໃນ​ປາກ​ໄດ້, ຂໍ​ແນະນຳ​ວ່າ​ຕ້ອງ​ລອງ ຊ໋ອກ​ໂກ​ແລັດ ຊາ​ລາ​ມິ. ຖ້າ​ທ່ານ​ຍັງບໍ່​ເຄີຍ​ໄດ້​ຍິນ​ຊື່​ນີ້​ມາ​ກ່ອນ, ກໍ​ລອງ​ຄິດ​ວາດ​ພາບ​ໄສ້ກອກ​ທ່ອນໜຶ່ງທີ່​ເຮັດ​ດ້ວຍ​ຊ໋ອກ​ໂກ​ແລັດ ​ແລ້ວ​ຕັດ​ເປັນ​ຕ່ອນ​ວົງມົນ​ຄື​ຮູບຫຼຽນ, ​ເຊິ່ງຣົດຊາດ​ກໍຈະ​ຄ້າຍໆຄື​ກັບ​ຄວາມ​ຫວານ​ທີ່​ປະສົມ​ປະສານ​ກັນ​ລະຫວ່າງ​ຄຼີມກາ​ແຟ ​ແລະ ຊ໋ອກ​ໂກ​ແລັດ ​ແລະ ຍັງ​ມີ​ຄວາມ​ນຸ້ມຄື​ກັບ ທີຣາມິ​ຊຸ ອີກ​ດ້ວຍ. ຄຳ​ເຕືອນ​ສຳລັບຄົນ​ທີ່​ມັກ​ຂອງຫວານ: ​ເຂົ້າໜົມຫວານ​ເຫຼົ່ານີ້​ຈະ​ເປັນ​ສິ່ງ​ໃໝ່ທີ່​ເຮັດ​ໃຫ້​ທ່ານ​ຕິດ​ໃຈ.

ໃນ​ເດືອນໜ້າທີ່​ຈະ​ມາ​ຮອດ​ນີ້, ຮ້ານ​ພິຊຊ້າ ດາ ​ໂຣບີ້ ຈະ​ມີ​ລາຍການ​ອາຫານ​ໃໝ່​ເພີ່ມ​ຂຶ້ນ​ເຊັ່ນ​ວ່າ: ສະ​ປາ​ເກັດ​ຕີ້ ​ແລະ ​ເພິ່ນກໍຈະ​ເປັນ​ເຈົ້າພາບຂອງ​ຄ່ຳ​ຄືນ​ແຫ່ງ ​ແອັບ​ເພີຣິທິຟ (ກໍ​ຄື​ເຫຼົ້າປະ​ເພດ​ຄ໋ອກ​ເທວ). ຍັງ​ບໍ່ໝົດພຽງ​ເທົ່າ​ນີ້, ທາງ​ຮ້ານ​ມີ​ຂ່າວ​ດີ​ສຳລັບຄົນ​ທີ່​ແພ້​ໂປຼຕິນຈາກ​ເຂົ້າ, ຮ້ານ​ໂຣບີ້ ຈະ​ຊອກ​ຫາ​ແປ້ງ​ທີ່​ປາດ​ສະ​ຈາກ​ໂປຼຕິນຈາກ​ເຂົ້າ​ໃນ​ໄວໆນີ້, ​ເຊິ່ງທຸກ​ຄົນ​ກໍ​ຈະ​ໄດ້​ກິນ​ພິຊຊ້າ​ຕາມ​​ໃຈ​ຕົນ​ເອງ​ມັກ. ຖື​ວ່າ​ເປັນ​ຂ່າວ​ດີຫຼາຍ!

ທ່ານ​ສາມາດ​ເຂົ້າ​ໄປ​ຢ້ຽມຊົມ​ຮ້ານ ພິຊຊ້າ ດາ ​ໂຣບີ້ ​ໄດ້​ທາງ​ເຟສບຸກ ຕາມ​ທີ່ຢູ່​ຕໍ່​ໄປ​ນີ້ – https://www.facebook.com/pdr.pdr.35?fref=ts

ຮ້ານ​ພິຊຊ້າ ດາ ​ໂຣບີ້ ​ແມ່ນ​ດຳ​ເນີນ​ກິດຈະການຫຼັກ​ໂດຍ ຫົວໜ້າພໍ່ຄົວ ​ໂຣບີ້, ອາ​ແລ​ສ​ແຊນ​ໂດຼ (ອ້າຍ​ຂອງ​ລາວ) ​ແລະ ສະມາຊິກ​ໃນ​ຄອບຄົວ​ຜູ້​ອື່ນໆ ລວມທັງ​ແມ່​ທີ່​ຮັກ​ຂອງ​ເຂົາ​ເຈົ້າ, ທີ່​ເປັນ​ຜູ້​ໃຫ້​ຄວາມ​ຮູ້​ ​ແລະ ຄຳ​ແນະນຳ​ທາງ​ດ້ານ​ການ​ເຮັດ​ອາຫານ ​ເພື່ອ​ຮັບປະກັນ​ວ່າຣົດຊາດ​ທີ່​ອອກ​ມາ​ຈະ​ມີ​ຄວາມ​ເປັນ​ເອກະລັກ ​ແລະ ​ແຊບ​ທີ່​ສຸດ.

Translation: Vathida Phonekeo



Leave a Reply